Հասմիկ Ղահրամանյանը «Արդշինբանկ» ԲԲԸ խորհրդի անդամի պաշտոնը ստանձնել է 2026 թվականի հունիսի 8-ին։

2026 թվականի հունվար-հունիսն ընկած ժամանակահատվածում ղեկավարել է Հայաստանի բանկերի միության Հետազոտությունների և ռազմավարական վերլուծությունների կենտրոնը։

Մինչ այդ, ավելի քան 30 տարի աշխատել է Հաայաստանի Հանրապետության կենտրոնական բանկում։ Ունի լայն փորձառություն դրամավարկային քաղաքականության մշակման և իրականացման գործում, ֆինանսական կայունության և հետազոտությունների, կայուն ֆինանսների զարգացման, կորպորատիվ կառավարման, ֆինանսական կրթման ոլորտներում։

2019-2025 թվականներին հանդիսացել է Կենտրոնական բանկի խորհրդի անդամ, 2022-2023 թվականներին ղեկավարել է Խորհրդի աուդիտ կոմիտեն։

2017-2019 թվականներին զբաղեցրել է Կենտրոնական բանկի նախագահի գլխավոր խորհրդականի պաշտոնը՝ համակարգելով գների և ֆինանսական կայունության, ինչպես նաև Ազգային ժողովի և Կառավարության հետ փոխհարաբերությունների ուղղությունները։

2012-2017 թվականներին ղեկավարել է Դրամավարկային և հարկաբյուջետային քաղաքականությունների վերլուծության բաժինը։

1995-2012 թվականներին աշխատել է Դրամավարկային քաղաքականության վարչությունում և Մակրոտնտեսական և բանկային հետազոտությունների կենտրոնում որպես մակրոտնտեսագետ և առաջատար մասնագետ։

1998-2000 թվականներին համատեղությամբ աշխատել է Եվրամիության TACIS ծրագրում որպես վերլուծաբան։

1998 թվականին համատեղությամբ աշխատել է Համաշխարհային բանկի «Ձեռնարկությունների զարգացման ծրագրում» որպես խորհրդատու։

2011 թվականից հանդիսանում է Երևանի պետական համալսարանի Ֆինանսահաշվային ամբիոնի ասիստենտ։

2021-2025 թվականներին հանդիսացել է ՀՀ-ում ֆինանսական կրթման ծրագրի մշակման և իրագործման միջգերատեսչական հանձնաժողովի նախագահ։

2025 թվականին ընտրվել է Տնօրենների հայկական ինստիտուտի խորհրդի անդամ։

2023 թվականից Կանայք  տնօերնների խորհրդում ցանցի անդամ է։

Հասմիկ Ղահրամանյանը տնտեսագիտության թեկնածու է, 1996 թվականին ավարտել է Երևանի պետական համալսարանի Տնտեսագիտության ֆակուլտետը՝ «Միջազգային տնտեսական հարաբերություններ» մասնագիտացմամբ։ Տնտեսագիտության թեկնածուի գիտական աստիճանը ստացել է 2004 թվականին։ 2022 թվականին ավարտել է Օքսֆորդի համալսարանի Սայիդ բիզնես դպրոցի «Առաջադեմ կառավարման և առաջնորդություն» ծրագիրը, իսկ 2023 թվականին ավարտել է

EcoDa-ի դասընթացը (Բրյուսել, Բելգիա) և ստացել է Եվրոպական խորհրդի անդամի դիպլոմ՝ կորպորատիվ կառավարման մասնագիտացմամբ ։

2013 թվականին հրապարակված «Բանկային գործ․ ուսումնական ձեռնարկ» դասագրքի համահեղինակ է, հոդվածների հեղինակ։

2023 թվականին ՀՀ նախագահի հրամանագրով պարգևատրվել է Անանիա Շիրակացու մեդալով՝ տնտեսության զարգացման գործում իր նշանակալի ներդման համար։

Հասմիկ Ղահրամանյանը ծնվել է 1975 թվականի փետրվարի 2-ին, ամուսնացած է, ունի մեկ դուստր և մեկ որդի։