Սոֆյա Սարգսյանը ֆինանսական ոլորտի փորձառու ղեկավար է՝ հաշվապահության, հարկման, ֆինանսական կառավարման, ֆինանսական հաշվետվողականության և վերահսկողության ոլորտներում ավելի քան 25 տարվա մասնագիտական փորձով։

Ներկայումս նա հանդիսանում է Հայաստանում Andersen-ի դուստր ընկերության։ «Անդերսեն Թաքս» ընկերության Կառավարող տնօրենը՝ Մինչ Andersen-ին միանալը Սոֆյա Սարգսյանը շուրջ 25 տարի աշխատել է Էյչ-Էս-Բի-Սի Բանկ Հայաստան ՓԲԸ Armenia-ում՝ զբաղեցնելով ղեկավար պաշտոններ, իսկ 2015 թվականից՝ Գլխավոր հաշվապահի/Գլխավոր ֆինանսական տնօրենի տեղակալի պաշտոնը։

Իր մասնագիտական գործունեության ընթացքում Սոֆյա Սարգսյանը ներգրավված է եղել բարդ ֆինանսական գործառնությունների կառավարման, ներքին գործընթացների և վերահսկողության համակարգերի բարելավման, ինչպես նաև տեղական և միջազգային կարգավորող պահանջների պահպանման ապահովման գործում։ Նա ունի կարգավորող մարմինների հետ համագործակցության և արդյունավետ աշխատանքային հարաբերությունների ձևավորման հարուստ փորձ, ինչպես նաև ակտիվորեն մասնակցել է հարկային և ֆինանսական օրենսդրության փոփոխությունների վերաբերյալ քննարկումներին՝ նպաստելով ֆինանսական ոլորտին առնչվող կարգավորումների զարգացմանը։

Սոֆյան աչքի է ընկնում բարձր արդյունքներ ապահովող թիմեր ղեկավարելու, բարդ նախագծեր կառավարելու և ֆինանսական ու կազմակերպական գործընթացների բարելավումներ իրականացնելու իր կարողություններով։ Նրա մասնագիտական փորձը հիմնված է խորքային տեխնիկական գիտելիքների և կարգավորող պահանջների, ֆինանսական ու կորպորատիվ կառավարման սկզբունքների համապարփակ ըմբռնման վրա։

Սոֆյա Սարգսյանը Երևանի պետական տնտեսագիտական համալսարանի շրջանավարտ է և ունի փորձագետ հաշվապահի որակավորում։ Նա նաև մասնակցել է միջազգային ճանաչում ունեցող կառույցների կողմից կազմակերպված մասնագիտական վերապատրաստման ծրագրերի և միջոցառումների։

Ֆինանսական առաջնորդության, կարգավորող պահանջների պահպանման և կազմակերպական կառավարման ոլորտներում իր հարուստ փորձով Սոֆյան նվիրված է պրոֆեսիոնալիզմի, պատասխանատվության և արդյունավետ կորպորատիվ կառավարման սկզբունքների խթանմանը։ Նա իր արժեքավոր փորձն ու գործնական գիտելիքները ներդնում է արդյունավետ առաջնորդության և որոշումների կայացման զարգացման գործում՝ նպաստելով ավելի ուժեղ կազմակերպությունների ձևավորմանը և Հայաստանում մասնագիտական չափանիշների առաջխաղացմանը։